قاتوه بالشكلاطة والبوفريوة

الجنواز Génoise

5 بيض
125 سكر
100 فارينة
25 كاكاو
افصل الابيض عالاصفر و ركض الابيض حتى يولي كي الموس و زيد السكر وبعد زيد الاصفر و  زيد الفارينة و خلط بالشوية من فوق لتحت و صبها في قالب و طيبها في فور يكون مسخن من قبل على 180° لمدة 20دق
خليها تبرد بالباهي و احسن حاجة تطيبها قبل بنهار باش ترتاح بالباهي و ما اتعبكش في القصان
قسم الجنواز على 3 و بين كل وحدة مش نحطو الكريمة.
للكريمة: crème mousseline noisette

160g crème pâtissière – 540g crème au beurreالكريمة هي مزيج من

كل كريمة منهم نعملوها وحدها وفي اللخر نخلطوهم مع بعضهم.

-الكرام باتيسيار Crème pâtissière

g140 حليب
g17 نشاء او كريمة بودر
g15سكر
طيبهم عالنار حتى تخثر و خليها تبرد
-Crème au beurre

g90 حليب سخون+ 160غ بوفريوة بودر
نصبوهم على
g70 اصفر عضم
g90سكر
و نطيبوهم عالنار مع التحريك
وقت يبرد زيدهم 250غ زبدة طرية
 meringue italienneبعد نزيدو عليهم
نحضرو 60غ سكر و 40غ ماء و نخليوهم عالنار حتى يطيبو (وقت تاخو قطرة تولي كورة بين صوابعك)
بعد صبهم على 30غ ابيض عضم مخفوق (blanc en neige).
في الاخر زيد هذا الكل عال crème pâtissière (الي خليناها تبرد) و و حركهم بالشوية حتى يتخلطو بالباهي.

الكريمة الي دهنت بيها القاتو من برا و زينت بيها من فوق عملت 200غ شكلاطة و 200مل كريمة سائلة. اول حاجة سخنو الكريمة بعدوها من النار وصبو الشكلاطة خليوها 5 دق و بعد حركوها حتى تذوب الكل غطيوها ولصقو  عليها بالضبط وخليوها في الفريجدار ليلة كاملة و من غدوة ركضوها حتى تولي كريمة شادة روحها